Patay ang isa ka Pinoy kag Malaysian nga suspek matapos magbayluhanay sang lupok sa mga operatiba sa Tawi-Tawi, kaina sang aga, Oktubre 16, 2021.
Ginkilala ang mga natapay nga sanday Nadzmil Ladja, residente sang Sitangkai, Tawi-Tawi kag isa ka Malaysian national nga si Hari Man Bin Sabtula, sang Sabah, Malaysia.
Napatay sanday Ladja kag Sabtula sa armed encounter sa tuna nila kag mga katapo sang PNP kag AFP sa baybayon sang Barangay Pahut, Bongao, Tawi-Tawi, takna las 9:45 Sabado sang aga.
Nakuha sa ila ang 1,500 gramos nga ginasuspetsuhan shabu nga may balor P10,200,000; 16 ka bundles sang boodle money, lima ka gramos nga ginasuspetsuhan Marijuana nga may bili P600, IDs, duha ka .45 caliber pistol kag isa ka yellow nga motorized boat.
Samtang, nakakuha sang kapin P2,040,000 nga balor sang ginasuspetsuhan shabu halin sa Angkas rider kag call center agent sa Service Road, Roxas Boulevard, Pasay City, Biyernes sang gab-i, Oktubre 15.*
