Halos madulaan na sang pag-asa ang gobyerno, nga may makita pa nga survivors. sa nagluntad nga plane crash sa Pokhara, Nepal sang tinalikdan nga Domingo.
68 na ka mga persona ang kumpirmado nga nabawian sang kabuhi, kalalkip na diri ang tatlo ka mga lapsag kag tatlo pa ka magagmay nga mga kabataan.
72 tanan ka mga indibidwal ang nakasakay sa eroplano sang Yeti Airlines, antis ini naghugpaas kag nasunog sa Seti River Gorge, nga malapit sa airport.
Ini ang pinakamalala nga “plane crash” nga nagluntad sa Nepal matapos ang halos 30 anyos, suno sa Nepal government.
Ginakabig man ini bilang ikatatlo sa pinakamaduguon nga “plane crash” sa kasaysayan sang pungsod.
Ipatigayon pa sang gobyerno and maid-id nga imbestigasyon sa insidente.*