Ginsiling ni Benitez nga iya napamatian ang mga hinyo angut sa posibilidad nga magpapili para sa pagka alkalde sa Bacolod.
Pero wala niya ginpat-ud ang handum,sa baylo iya ginsiling nga ang iya pag transfer panugod pa lamang kag bukas siya sa ano nga posibilidad angut sa iya plano sa pulitika.
Upod sa pagtililipon si Vice Governor Jeffrey Ferrer nga nagpahayag man nga may yara pa sya sang duha ka semana antes magdesisyun kun bala maga transfer man sang voters registration sa Bacolod.
Ini sa tuyo nga suportahan kag updan ang ano man nga plano sang anay kongresista.
Ara man sa pagtililipon si Governor Eugenio Jose Lacson.
Suno kay Ferrer pagpakita lamang ini nga naga-ugyon ang katapo sang Love Negros kag United Negros Alliance.
Ginahaylo naman ni Board Member Andrew Montelibano ang tanan nga supporter sang iya tiyo nga si late Governor Alfredo Montelibano Jr. nga nangin alkalde man anay sang Bacolod nga liwat magtipon para maghatag suporta kay Benitez.
