Isa ka netizen ang natandog ang balatyagon sang ginpakitaan ini sang kaalwan sang isa ka parking boy.
Suno kay Joy Anne Vicente, wala ini naghuna-huna nga buligan ini sang bata apisar nga wala man ini nangayo sang bulig.
Ginbuligan sa pag-park sang bata si Vicente kag ginhatagan man niya ini sang sinsilyo kag nagpasalamat.
Apang, samtang nagahulat sa parking lot sang OWWA sa Pampanga si Vicente, ini ang ginpalapitan sang bata nga si Joshua kag namangkot kon nakakaon na ini.
Nag-offer man ang bata nga baklan ini sang pagkaon sa canteen apang wala kadala sang wallet si Vicente nga nagahulat sa iya iloy.
Naghalin ang bata kag matapos ang pila ka minutos, nanuktok ini sa bintana sang salakyan ni Vicente kag nagduhol sang turon.
“Ate oh. Turon. Binilhan kita. Di ka kasi nagbigay ng bente e. Para sana kanin nalang bibilhin ko, 20 lang naman ulam pwede na,” suno sa bata.
Suno naman kay Vicente nga ginpilit sini si Joshua nga siya na lang ang makaon sang turon bangud naki-ambit lang ini sang pagkaon sa mga guard. Ang 10 ka pesos nga ginhatag ni Vicente sa pagbulig sa iya sa pagpark, amo ang ginbakal sang bata sang turon.
“I’m so touched. May mga tao pa rin talagang ganito. Minsan kung sino pa yung walang wala, sila pa yung nagbibigay,” gindugang pa ni Vicente.*
