MGA MANUNUDLO NAGPOSITIBO SA COVID MATAPOS NGA GINPA REPORT SA TRABAHO ANTIS ANG PAGBUKAS SANG KLASE

Ginbulgar sang Teacher’s Dignity Coalition(TDC) sini nga adlaw, huwebes nga may mga manunudlo nga nagpositibo na sa COVID kag isa diri ang chairman sang TDC sa Metro Manila ,nga manunudlo sa high school.

Suno kay Benjo Basas, national chairman sang TDC , ginkumpirmar sang manunudlo, nga tatlo pa sa iya mga kaupod sa eskwelahan ang nagpositibo man sa COVID 19.

Dugang pa ni Basas, “alarming” ang mga reports angut sa mga manunudlo nga nakaangkon na sang impeksyon.

Ginpalayag man ni Basas, nga may mga manunudlo pa nga nagpositibo na sa COVID, apang ginapa report sa gihapon sa trabaho sang ila school head.

Ginkumpirmar ni Basas, nga ila na ginpahibalo sa DEPED ang sitwasyon.