Ginaduso ni Commission on Human Rights (CHR) nga wala sang nagakaigo nga rason agud nga ibalik ang sentensya nga kamatayon sa Pilipinas.
Sa hearing sang House Committee on Justice, ginsiling ni CHR Commissioner Karren Dumpit nga mahimo lamang ibalik ang capital punishment kun may yara sang compelling reasons nga may kaangtanan sa heinous crimes.
Paathag sini, nakasaad sa layi nga ang mga “most serious crimes” lamang ang makabig bilang heinous crimes, kag base sa international law, wala nalakip diri ang mga krimen na may kaangtanan sa kalakaran sang iligal nga druga.
Mahimo suno sa iya nga malubag sang Pilipinas ang mga international agreements and obligations kaangay sang International Covenant of Civil and Political Rigths kag Second Optional Protocol sa ICCPR kun igabalik ang pagpataw sang penalidad nga kamatayon.