Ginpahibalo sang Philippine Embassy nga apektado man sang mabaskog nga linog sa pungsod Turkey ang mga Filipino nationals.
Suno sa embahada, may yara sang 248 ka mga Pinoy sa nasambit nga pungsod, apang, wala sang gin report nga nabawian sang kabuhi, sang nagluntad ang 7.8 magnitude nga linog.
Ginkumpirmar ni Ambassador Maria Elena Algabre, nga may mga Fiipinos nga nagatiner sa buildings kag naghalin sa lugar, agud maluwas ang ila kabuhi sa katalagman.
Yara na sa shelter ang mga Pinoy nga apektado sang linog samtang ang iban naman ginkuha na sang ila mga abyan kag yara na sa “safe”nga lugar.
Nagluntad ang mabaskog nga linog sa Southern Turkey, malapit sa Gaziantep sang tinalikdan nga lunes sang kaagahon, Pebrero 6.
Madamu sang mga buildings ang narumpag sa lugar kag wala naman sang suplay sang kuryente.
Sa karon nagabubu pa ang ulan sa nasambit nga pungsod.*
