BACOLOD CITY– Fan sang sikat nga teleserye nga “Mara Clara” si Miss Earth Nigeria 2022 nga si Esther Olawatusin Ajayi.
Ginabidahan ang “Mara Clara” nanday Kathryn Bernardo kag Julia Montes sadtong 2010.
“I grew up with it, I even mimic the acting!” suno kay Ajayi.
Dugang pa ni Ajayi nga sikat ang nasambit nga teleserye sa ila pungsod.
Ginpahayag naman ni Ajayi nga parehas lang ang pamatasan sang Pilipinas sa Nigeria kag wala ini nalayo.
Isa sa mga paborito sa pageant si Ajayi bangud sa iya personalidad.
Nagdaug naman sang Best in Beachwear kag Miss Estancia de Lorenzo si Miss Chile nga si Daniela Riquelme apang runners up lang sanday Miss Portugal nga si Maria Rosado kag Miss Thailand nga si Chanwanphat Kongnim.*