BACOLOD CITY – Ginpirmahan na sang syudad sang Bacolod sa pagpanguna ni Mayor Albee Benitez kag sang Ayala Malls ang Memorandum of Agreement ukon MOA sa pagpatukod sang Bacolod Express Service Office.
Igabutang ang BESO sa ikatatlo nga panalgan sang nasambit nga mall.
Mangin extension ang BESO para sa mga importante nga opisina sang gobyerno sa Bacolod.
Nalakip diri ang Department of Social Services and Development, Local Civil Registrar, PopCom, Office of the Building Official, Business Permits and Licensing, Local Economic and Investment Promotions Office, Public Employment Services Office, Bacolod City Police Office, Bacolod Traffic Authority Office, City Treasurer’s Office, City Tourism Office, City Health Office kag iban pa nga national agencies.
Nagatuyo ini nga mapahapos kag kumportable ang pag-proseso sang mga dokumento sang mga Bacolodnon.*
