NEGROS OCCIDENTAL– Pina-agi sa warrant of arrest, arestado ang ginakabig nga Most Wanted Person sa kaso nga murder sa La Castellana, Negros Occidental.
Ginkilala ini kay Isaias Cauba Jr., kasado kag residente sang Barangay Canroma, Pontevedra.
Takna las-3:55 kahapon, Martes, Enero 24, gin-aresto si Cauba sa pagpanguna ni Police Lieutenant Colonel Alvimar Flores, force commander sang La Castellana Municipal Police Station.
Kaupod ni PLTCOL Flores ang tracker team sang La Libertad MPS, 300AISW, PAF, PIU NOCPPO, RIU6 kag RMFB6.
Apang gin-serbe naman ang warrant ni Hon. Mario Trinidad, presiding judge sang RTC 7, Branch 64, Guihulngan City, Negros Oriental sadtong Marso 5, 2008 kag wala sang gin-rekomendar nga piyansa.
Nakahunong naman si Cauba sa La Castellana MPS.*
