Nadakpan sang mga pulis sa Sitio Manggahan, Barangay San Isidro, Angono, Rizal ang nadula kag nakapalagyo nga person deprived of liberty (PDL) sa New Bilibid Prison.
Nagguwa sa imbestigayon sang otoridad nga nakakuha sang tiempo nga makapalagyo ang PDL nga si Michael John Cataroja sang nagpakuno-kuno ini bilang bisita sa prisuhan, base sa report sang CNN.
Madumduman nga sadtong Hulyo 15, nareport nga nadula ang isa ka PDL rason kun ngaa nagpatigayon sang “search operation” ang mga kapulisan sa Bilibid kag ginsupestuhan nga ginpatay kag ginlubong ini sa sulod sang prisuhan.
Nakatalana nga i-turnover si Cataroja sa Bureau of Corrections (BuCor) agud ibalik sa sulod sang Maximum Security Compound.
Gina-imbestigaran sa gihapon kun ngaa nakapalagyo ang nasambit nga PDL kag kun may yara sang manabat sa insidente.*
