Bangud sang mga fatal nga igo sang bala, “dead on the spot” ang isa ka miyembro sang Philippine Marines nga si Sergeant Tonti Melbert Pamaran.
Nagapatigayon sang ronda sanday Pamaran kag tatlo pa ka mga katapu sang Philippine Marines sa Barangay Cabasaran sa munisipalidad sang Marogong probinsya sang Lanao Del Sur, sang hinali lang nga ginluthang sang mga armado.
Ginkilala ang mga nasamaran nga sanday Sgt. Aninon, Sgt Jeram Aradji kag Cpl. Mark Anthony Banares sang MBLT-2 Philippine Marines.
Suno sa mga kapulisan, nakabaton sang tawag ang police station, las 3:55 sang hapon, sang tinalikdan nga sabado, nahanungod sa ambush.
Nagaagi lamang ang salakyan sang mga biktima sa lugar , sang magluntad ang insidente.
Ginahibalo pa sang mga otoridad kon sin-o ang mga responsable sa kremin.*
