NAGAKULOB KAG WALA NA SANG PANAPTON SANG MASAPWAN ANG BANGKAY SANG 5 KA TUIG NGA BATA NGA NA-ANOD SA SUBA SA CIUDAD SANG LA CARLOTA

Nagakulob kag wala na sang panapton sang masapwan ang bangkay sang 5 ka tuig nga bata nga ginkilala kay Mary Rose “Pulay” Cadenas sa suba sang RSB, ciudad sang La Carlota sini nga aga, Hunyo 9,2021.

Base sa mga residente malapit sa lugar, kahapon sang ugto nakapanimaho na sila sang baho nga daw patay nga sapat apang indi nila ma-locate kong diin ini halin.

Apang kaina sang aga, alas 6:00 nakita sang bata nga nangihi sa kilid sang suba ang bangkay ni Pulay sa idalom sang pampang.

Matandaan nga na-anod si Pulay sa suba sang Purok 6, Barangay La Granja, ciudad sang La Carlota sang Sabado nga adlaw, Hunyo 5,2021.