Wednesday, July 24, 2024

LALAKI NATIROHAN SAMTANG SUSPEK SA PAGPANIRO NABUN-AN SA PUROK BM, BARANGAY TACULING KAGAB-E!

- Advertisement -

Pilason ang isa ka persona nga ginkilala kay Joey Carlos Dela Cruz, 47 anyos, pumuluyo sang Purok BM, Brgy. Taculing matapos ini ang matirohan kagab-e , Hunyo 8, 2021 sa amo nga lugar.

Ang suspek sa pagpaniro ang ginkilala kay Mark Claveria, residente sang amu man nga Purok.

Base sa inisyal nga imbestigasyon sang Police Station 6, alas 9:45 sang gab-e, ang anak ni Joey nga si Aljoe Dela Cruz,25 anyos, nagbakal sa tyanggi sang gulpi nalang ini ginkastigo ni Mark Claveria.

- Advertisement -

Suno sa report, nagpauli si Aljoe kag nagpanugid sa iya mga himata nga gilayon naman nga nag resbak kag ginpangita si Mark Claveria kag didto na nagluntad ang mainit nga komprontahanay kag kinagamo sa magtimbang nga bahin.

Gintiro ni Claveria si Joey sa diin naigo sa natuo nga bahin sang iya tiyan kag gilayon gindala sa Bacolod Adventist Medical Center.

Samtang ang suspek naman ang naka-agom sang pilas matapos ginbuno sa tou nga bahin sa iya kilid sang isa ka persona nga ginkilala kay Mark Torreno.

Gindala si Mark Claveria sa Bacolod Doctor’s Hospital kun sa diin didto siya naaresto sa mga kapulisan.

Na-rekober sa crime scene ang ang isa ka empty shell sang 9mm calibre, isa ka bala sang 9mm calibre kag isa ka patalom nga nagalaba sang 13 pulgada.

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles