Nakapauli nga OFW sa syudad sang Bacolod naglab-ot na sa 570!

Sa live interview sang Radyo Bandera kay Councilor Israel Salanga, as of April 28, ginabulubanta 570 na ka Overseas Filipino Workers (OFWs) ang nakapauli na sa syudad sang Bacolod.

Samtang, masobra naman sa 300 ang nakagradwar na ukon nakatapos sa 14 day mandatory quarantine.

Sa karon, madamo pa sang pending nga mga OFWs ang ginalauman nga maga-abot sa syudad sang Bacolod.

Gindugang pa ni Councilor Salanga, nga apisar naka gradwar na ang iban sa 14 dias nga kwarantina, wala pa sila ginapahanugutan nga makapauli sa ila tagsa-tagsa ka puluy-an bangod ginahulat pa ang mga resulta kag kong san-o e-release.