Ginpahayag sang Department of Agriculture (DA) nga nagdangat na sa P78.9 milyones nga smuggled nga sibuyas bombay kag iban pa nga agricultural products ang nakumpiskar sa Manila International Container Port (MICP) humalin Disyembre 27, 2022 tubtob Enero 5, 2023.
Gindugang pa sang DA nga sadtong Disyembre 27, 2022, nagdangat sa P25.3 milyones ang balor sang smuggled nga pula kag puti nga sibuyas bombay ang nadiskubrihan sa sulod sang tatlo ka container vans.
Samtang, ginabulubanta nga P27.8 milyones nga balor sang smuggled nga puti kag pula ka sibuyas bombay, frozen pork stomach pouch cuts kag frozen boneless beef ang nakuha sa sulod sang lima ka container vans sadtong Enero 3, 2023.
Sadtong Enero 4 2023, may P23.58 milyones nga balor sang smuggled nga pula nga sibuyas bombay ang natukiban naman sa sulod sang tatlo ka container van.
Sini nga Enero 5, 2023, nagdangat naman sa P2.2 milyones nga smuggled nga carrots ang nakuha sa sulod sang isa ka container van sa MICP.*
via Publiko
