BACOLOD CITY – Nadakpan sang kapulisan ang isa ka residente sang Bacolod City paagi sa isa ka buy-bust operation sa Purok Violetas, Barangay Balingasag, syudad sang Bago, Negros Occidental, takna las 2:49 sang hapon, Lunes, Enero 9, 2023.
Gin-alegar nagbaligya si Rolly Gonzales, alyas “Yob”, 40-anyos, residente sang Barangay Singcang-Airport sa Bacolod sang isa ka sachet sang suspected shabu kabaylo sang P500 nga marked money.
Nakuha man sa iya ang pito pa gid sa heat-sealed transparent plastic sachets sang ginasuspetsuhan shabu, isa ka plastic canister, isa ka bamboo stick, isa ka cellphone, isa ka lighter, P68 nga cash, kag isa ka itom nga sling bag.*
