Yara tanan sa 310 ka residente sang siudad sang Bago ang napaidalom sa mass testing subong nga adlaw.
ang 310 ka mga targeted individuals nagikan sa lima ka designated testing areas nga ginalakipan sang 31 sa St. John the Baptist Covered Court, 93 sa City Colisuem, 110 sa Ma-ao Covered Court, 56 sa Taloc Covered Court kag 20 naman sa Caridad Barangay Site.
Ginpasalamatan naman ni Mayor Nicholas Yulo si Governor Eugenio Jose Lacson sa mass testing program. Iya man nga ginpasalamatan ang 28 ka swabbers nagikan sa Department of Health, La Carlota City, San Carlos City, Isabela, Hinigaran, Candoni, Cauayan kag Murcia subong man ang mga katapo sang kapulisan nga nagpabilin sang kalinong kag katawhay samtang ginapatigayon ang nasambit nga hilikuton.
