NAPATAY NGA ANAK NI HENRY SY JR. NGA SI JAN CATHERINE SY, NAKATALANA KUNTANI NGA KASLON SA ABRIL 9

Nakatalana kuntani nga kaslon si SM Development AVP kag project director Jan Catherine Sy tatlo ka semana matapos ini napatay sadtong Marso 18.

Ini mismo ang ginkumpirmar sang iya amay nga bilyonaryo nga si Henry “Big Boy” Sy Jr. sa iya nga eulogy.

Ginlaragway ni Henry Sy Jr. ang iya anak nga tuman ka bo-ot, maalwan kag masinadyahon nga klase tawo.

“She was joyful, kind and patient with us her parents and the most wonderful to be around especially in the past few months even as she prepared for her wedding to Jack,” suno kay Big Boy.

Ika-duwa na kuntani nga tion nga may ginkasal sa pamilya Sy matapos ang wedding sang utod ni Jan Catherine nga si Jessica sadtong Enero 2020.