Negros Occidental nagapanguna sa may pinakamadamo nga kaso sang dengue sa Rehiyon 6

Nagapanguna ang probinsya sang Negros Occidental sa may pinakamadamo nga kaso sang dengue sa bilog nga Western Visayas, sandig sa morbidity weekly report sang Department of Health (DOH)-6.

Sa amo nga report nakarekord ang Rehiyon 6 sang 59 ka kaso sang dengue sa una nga bulan sang 2023 kun diin 21 diri ang narekord sa Negros Occidental.

Nakarekord man sang 17 ka kaso ang probinsya sang Aklan.

Ginsundan naman ini sang syudad sang Bacolod nga may 9 ka kaso, Antique nga may 7 kag 5 naman sa probinsya sang Capiz.

Samtang wala sang narekord nga kaso sang dengue sa syudad sang Iloilo kag mga probinsya sang Guimaras kag Iloilo.

Wala naman sang may napatay bangud sa nasambit nga balatian.

By: Randy Coronel