Nakilala na ang NPA nga napatay sa nagluntad nga engkwentro sa Sitio Tabunoc, Brgy. Libertad, syudad sang Escalante.
Siya ang ginkilala kay Armado Atoy alias “Arnold/Junjun nga taga Hacienda Pura, Brgy. San Pablo, Manapla.
Nahibaluan nga si Escalante Mayor Beboy Yap ang nagpa-embalsamo kag ginhatagan sang libre nga lungon ang napatay.
Suno naman kay Army LTCOL J-Jay Javines, Commanding Officer sang 79th IB nga ang napatay nga rebelde ang mahimo pa kuntani makabenepisyo sang programa nga E-CLIP kag makapangabuhi sang maayo kun nagbalik ini sa sabak sang gobyerno.