Nagpahanumdom ang Chief Implementer sang National Task Force (NTF) Against COVID-19 Secretary Carlito Galvez Jr. batuk sa mga indibidwal kag grupo nga nagaposte sang ila mga ads sa vaccination sites bangud posible ini nga ma-misinterpret sang publiko nga ‘political agenda’.
Suno pa kay Galvez, nagapakig-angut na sila sa Department of Interior and Local Government (DILG) sa mga reports sa vaccination sites nga ginapangbutangan sang mga poster kag tarpaulin sang mga politiko kag political groups.
Dugang pa niya, wala sang indibidwal ukon organisasyon ang dapat magkuha sang credit para sa national vaccination program bangud produkto ini sang kabilugan nga effort sang gobyerno.
“This program should not be politicized in any way because its main objectives are to protect our people against the disease, save lives, and bring a greater sense of normalcy to our people as we revive our economy.”
