BACOLOD CITY – Gindayaw sang netizens ang isa ka nursing student matapos ini nagbulig sa babayi nga gina-alegar nabungguan sang motorsiklo malapit sa Bangga Cory, Brgy. Taculing, siudad sang Bacolod.
Suno kay Elizabeth Gecosala, third-year student sang University of St. La Salle, padulong sila sang iya utod sa buluthuan sang malabyan nila ang biktima nga natumba sa dalan takna las-6:40 sang aga sang Huwebes, Oktubre 12, 2023.
Gilayon nga nagtawag sang ambulance sanday Elizabeth kag nanaug ini sa salakyan agud i-check ang vital signs kag injuries sang biktima.
“Gin check ko man lang ang vital signs ni maam kag gin lantaw kon diin iya injuries. Wala ko man gintandog iya injuries, especially sa ulo ya kay daw damo bubog. Nag stay lang ko sa tupad ya asta nag abot ang Amity exactly 7am,” pagsaysay ni Elizabeth.
Dugang pa sang magulang ni Elizabeth nga si Elaine May, wala pangduhaduha nga naghambal nga mapundo ang 21-anyos nga estudyante agud mabuligan ang biktima.
“Without hesitation you told me to stop so you can check on the patient while other people just take pictures and film,” pahayag ni Elaine May.
Sang gin-contact sang Radyo Bandera Sweet FM Bacolod si Elizabeth angut sa maayo sini nga binuhatan, mapainubuson pa ini nga nagsabat nga, “to be honest po, I didn’t really do much.”
Yari ang mensahe ni Elizabeth para sa pumuluyo, ilabi na para sa mga kaangay sini nga student nurses:
“I hope that all of us will allow the Lord to use us in any possible way we can to help those who need help. For anyone nga maka witness any accidents, especially road accidents that are prevalent these days, if you have the capacity to help, please do so. And for those who don’t know what to do, try gid to call for medical assistance such as Amity, Red Cross or ambulance, and stay gid sa patient until medical help arrives kay big help na gid na. For student nurses like me, biskan hindi pata RN, help gid ta if we have the chance to do so, after all, this is our calling.”
