Ginpalayag ni Eng. Loben Rafael Ceballos, OIC sang Bacolod City Engineer’s Office nga functional na ang isa sa tatlo ka radar-sensor traffic light sa Hernaez-Taculing Road nga malapit sa Police Station 6 sa siudad sang Bacolod, apang nagagamit ini sa gihapon sang sequence kag wala pa na-install ang Artificial Intelligence component sang nasambit nga traffic light.
Suno kay Ceballos nga kun basi itakod na ini nila kag wala pa makompleto install ang tatlo ka traffic light, hinali ini nga kawaton.
Samtang, i-install naman ang duha ka bag-o nga traffic light sa Gatuslao-North Capitol Road kag sa Buri-Circumferential Roads.
Nagakadugayan lamang ang pag-install sang mga ini bangud may yara sang problema sa pag-utod sang iban nga parte sang concrete sang nasambit nga traffic light.
Dugang pa ni Ceballos, ang tatlo ka traffic light ang may yara sang P16 million nga budget.
Samtang, maga-conduct pa sang post qualification ang syudad angut sa lima ka mga dugang nga traffic light nga may P25 million nga budget, nga pagakuhaon sa DBP Loan.
Pagkatapos sang post qualification, makahatag na sila sang notice to proceed agud ma-install ang lima ka mga traffic lights nga ibutang sa sa CEGASCO, Burgos-San Juan Street, dalan sa may Alijis corner Pau D’ Arco, bangga Escala, kag sa junction sang Sto. Niño sa Barangay 2.
Kun matapos na ang installation sang mga traffic light, mangin 35 na ang mga functioning traffic light sa siudad.
Ang mga bag-o nga traffic light ang may stop-bar radar nga sarang ma-detect ang mga salakyan nga nagaraya sa karsada kag otomatiko nga magahatag sang signal.
Magluwas diri, Artificial Intelligence (AI) generated man ang traffic light bangud sarang man sini nga ma-identify ang kadamuon sang salakyan.*
