OCCIDENTAL MINDORO– Ginpaidalom sa state of calamity ang Occidental Mindoro bangud sa nagalala nga krisis sa kuryente.
Masobra na sa isa ka bulan nga apat lamang ka oras ang suplay sang kuryente sa nasambit nga lugar kag 20 ka oras kada adlaw, blackout.
Suno kay Vice Governor Diana Apigo Tayag, dako ang epekto sang blackout sa pagtuon sang mga estudyante kag sa panglawason sang mga taga-Occidental Mindoro.
Bangud sa tuman ka init, madamo sang mga tawo ang nagamasakit.
“Sobra-sobra na ho. Sa tingin ko, naghihingalo na ang ekonomiya namin. Talagang bagsak na bagsak na, lugmok na lugmok na. Wala nang negosyong nabubuhay halos dito sa amin. Isang malaking kailangan ng lalawigan namin ay yelo. Ang dami naming produkto naming isda. Lahat ng yelo namin, nanggagaling pa sa iba’t ibang lugar,” suno kay Tayag.
Suno naman kay Celso Garcia, General Manager sang Occidental Mindoro Electric Cooperative, isa lang ka power supplier ang yara subong sa Occidental Mindoro Consolidated Power Corporation.
Ang ginsugudan sang problema amo ang pagsukot sang P1 bilyones nga subsidy sang OMCPC halin sa National Power Corporation nga kuntani inugbakal ini sang diesel agud mapagana ang planta sang kuryente.
Nagpadala naman sang sulat si Goveror Eduardo Gadiano para kay President Ferdinand Marcos Jr. agud magpangayo sang bulig para masolusyunan ang problema sa kuryente.*