Masubo nga balita sa probinsya sang Guimaras sang magtaliwan samtang ginabulong sa ospital ang isa ka OFW nga naga trabaho bilang domestic helper sa Lebanon.
Ang OFW ang isa gid lamang sa mga pinoy workers nga nadalasa kag nakaagum sang pilas matapos magsigabong ang isa ka bodega nga buta sang ammonium nitrate sa Beruit sa nasambitan nga pungsod.
Ini ang ginpahayag ni Governor Samuel Gumarin, “This is another sad and tragic chapter for Guimaras.”
Ginkilala ang pinay OFW nga si Mila Sumaculob 67-anyos kag tumandok sang Barangay New Poblacion sa banwa sang Buenavista.
Ginkomperma man sang Department of Foreign Affairs nga isa si Mila sang mga pinoy worker nga nakaagum sang patal nga pilas tuga sang explosion.
Antes paman matabo ang mapait nga trahedya ginsaysay sang daughter-in-law ni Mila nga si Gen Marie nga malipayon pa ang mga ini nga naga istoryahanay sa telepono;
“Sang last nyt lng ta ngstorya nga lipay lipay ka nga girl imo apo k hambal mo may panagupnop kagd nga babaye amo na puro pink gnpa-package mo nga pang baby gusto mo Jamila gd ngalan sang apo mo para ara imo ngalan kg namian ka sang meaning kay beautiful na dra sa Lebanon ma damo damo kapa gani plano mag for good ka sundon gd namon ni Patrick tanan nga tugon mo samon ma… Palangga kagd namon ma, Mila Sumaculob.”
Sa piyak nga bahin nagpalab-ot naman sang simpatiya kag bulig ang lokal nga pamunuan sang Buenavista sa pamilya sang biktima.
Ginalauman man nga magaabot ang bangkay sang biktima sa maabot nga Agosto 17.
