Dakup sa kamot sang mga kapulisan ang duha ka persona matapos madakpan sa ginpatigayon nga buy-bust operation sang mga kapulisan sang Bacolod City Police Office kag City Drugs Enforcement Unit subong nga hapon alas 4:00 Agosto 9.
Napatigayon nga madakpan ang mga ginaalegar suspek sa Purok Sigay Barangay 2 sa nasambitan nga ciudad.
Ginkilala ang mga suspetsado nga sanday, Jose Bonza Jr. alias Jun-jun 38-anyos kag Jose Bonza Sr alias Joe 66-anyos kag lunsay ginakabig nga mga High Value Target sang mga otoridad.
Nakuha sa mga suspek ang 21 tanan ka sachet sang ginaalegar shabu lakip na ang buy-bust money.
Nagabalor naman sa 204,000.00 ang nakuha nga illegal nga droga base sa mga kapulisan.
Sa karon yara nahunong sa karsel sang Police Station 2 ang mga suspek para sa nagakaigo nga disposisyon.