Wala na makapalagyo pa ang ginaalegar mga online scammers nga mag-asawa sang madakpan sang mga katapo sang CIDG-Negros Oriental sa ginpatigayon nga operation.
Ginkilala ang mga nagkaladakpan nga sanday,Elmer kag Mary Rhonaline Tinambacan sa Sta. Catalina sa nasambitan nga probinsya.
Ang mag-asawa ang may yara sang kaso nga estafa kag syndicated stafa suno sa CIDG kon sa diin ang mga ini ang kilala nga mga online scammer.
Sa report nga nabaton sang CIDG – Negros Oriental, may yara sang nabiktima ang mag-asawa pamaagi sa online networking nga nagabalor 6-milyones kag 18 milyones pesos.
Nakuha man sa nasamabitan nga mga suspek ang isa ka caliber 40 Glock kag duha ka mga long magazines nga may yara sang 54 ka mga bala, upod sini ang 45 pistol nga may yara naman sang 24 nga bala amo man ang home-made shotgun.
Nahibaloan nga may yara sang duha ka kaso nga syndicated estafa sa ciudad sang Iloilo City ang mag-asawa kag isa naman ka estafa nga kaso sa mister nga halin sa Nueva Vizcaya.
Magapangatubang naman sang nasambitan nga kaso ang mag-asawa kag dugang nga kaso naman ang ipasaka pagid sang CIDG may kaangtanan sa illegal possession of firearms kay Elmer kag sa iya sini nga amay.
Sa karon yara sa kustodiya sang CIDG – Negros Oriental ang nasambitan nga mga suspek para sa nagakaigo nga disposisyon.
