RBSFM NEWSCENTER – Gin panganlan na ang tatlo (3) ka mga mabakod nga contenders sang National Basketbal Association Most Valuable Player sini nga season. Sila amo sanday reigning MVP Giannis Antetokounmpo sang Milwaukee Bucks, four-time MVP LeBron James sang Los Angeles Lakers kag ang 2017-18 MVP nga si James Harden sang Houston Rockets.
Sa history sang NBA, ang sentro nga Kareem Abdul-Jabbar ang naka kuha sang anum (6) tanan ka mga MVP titles, samtang si Michael Jordan naman kag si Bill Russell ang lunsay may tig-lima (5) ka mga MVP titles. Kun mangin mapalaron, mangin ika tatlo nga player sa history sang NBA si Lebron James nga may 5 ka mga MVP titles.
Apang indi man ma underestimate ang mga contender ni King James bangud si Antetokounmpo ang naga asperar nga mangin ika-12 nga player nga maka kuha sang back-to-back MVP samtang si Harden naman ang naga laum sang ika-duha nga MVP title sa tatlo ka seasons.
Sa karon, wala pa sang natalana nga petsa ang NBA kun san-o iga iga announce ang winner.
