KABANKALAN CITY – Ginapatihan nga patay ang driver sang isa ka 10-wheeler nga truck matapos ini ang mabunggo sa isa ka 2-storey commercial building sa unhan lamang sang Talubangi bridge sa Barangay Talubangi, Kabankalan City sini gid lamang nga udto.
Basi sa driver’s license nga nakuha sa iya possesion, gin kilala ang biktima nga si WINNIEFRED “BOY” HERNALIN, residente sang Barangay 9, Isabela, Negros Occidental. Gin kumpirmar naman ini sang iya nga tiyo kag suno pa diri, nag pamahaw pa ang iya hinablos kaina sang aga sa iya puluy-an gani dako ang kakibot sini sang mahibaloan ang natabo sa iya hinablos.
Sa karon, padayon pa nga gina tinguhaan nga makuha ang biktima gikan sa nadunot nga ulo sang truck nga may plate number FDR 323.
