Online job scams nga nagapangbiktima sang mga luyag mag-obra abroad, ginapa-imbestigaran na sang Kamara

Ginapa-imbestigaran na sang Kamara ang pagdamo sang online job scams nga masami nagapangbiktima sang mga Pilipino nga luyag mag-obra sa iban nga pungsod.

Suno sa PTV, madamo ang na-report nga job opening abroad nga nagatanyag sang madako nga sweldo apang isa ini ka scam kag gina-alegar nga gina-operate ini sang “cryptocurrency group”.

Sandig naman sa report sang Bureau of Immigration, sang tinalikdan nga semana may isa ka Pilipina ang nabiktima sang scam sa Myanmar, nga kinahanglan magbayad sang ransom para makapauli lamang sa Pilipinas.*