Sunday, January 29, 2023

P15.7 BILLION NGA BENEPISYO SA HEATHCARE WORKERS, GINRELEASE NA

- Advertisement -

Gin-release na sang Department of Health (DOH) ang P15.7 bilyon nga benepiso sang mga healthcare workers sa pungsod may kaangtanan sa pagresponder sa coronavirus disease (COVID-19).

Sadtong Nobyembre 26, yara sa kabilugan nga P15,719,085,923 ang ginpaguwa nga pondo base sa Statement of Allotment, Obligation and Balances (SAOB).

Kalakip diri ang P7,915,760,434 Special Risk Allowance (SRA) sang 486,585 healthcare workers  halin sa Disyembre 20, 2020 tubtob Hunyo 30, 2021 samtang yara sa P6,555,957,185 nga SRA kag active hazard duty pay (AHDP) ang ginpaguwa naman para sa 315,652 kag 390,662 HCWs.

- Advertisement -

Suno pa sa DOH, nakapaguwa naman sang P1,231,098,680 para sa ‘meals, accommodation, and transportation (MAT) benefits’ sang 103,413 HCWs.

Aminado naman ang  DOH nga may nabilin pa nga mga benepisyo nga wala pa napaguwa halin Disyembre 20, 2020 tubtob Hunyo 30, 2021 rason nga padayon ang ila koordinasyon sa mga lokal nga pamunuan para mapadasig ini.

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

- Advertisement -

Latest Articles