Ginmandu na sang Philippine government ang temporaryo nga pagsuspendi sa pagpadala sang mga “newly hired” nga mga domestic workers sa Saudi Arabia.
Ginbulgar ni Department of Labor and Employment (DOLE) secretary Silvestre Bello III, nga may kaso sang pagpang abuso sa mga Filipino workers sa Saudi , sa diin isa ka retirado nga heneral ang suspetsado.
Suno kay Bello, may walo ka mga trabahador nga gin “hire” ang heneral, pinaagi sa pagpeke sang ngalan sang employer kag pagpeke man sang mga address.
Gin molestya ,gin abuso kag wala masweldohan sang heneral ang walo ka mga trabahador.
Magluwas sini, may 9,000 pa ka mga Filipino workers sa Saudi Arabia nga wala masweldohan sang ila mga employer nga ginatingwaan sang gobyerno nga mabuligan.
Samntang, ginklaro ni Bello, nga wala masakop sa suspension ang mga overseas Filipino workers nga may yara na sang employer okon may yara na sang kontrata.
Statement of secretary Bello:
“They are using the weak contract of employment to fool our [overseas Filipino workers]. This one general…he had 8 workers when he was not an employer. He made up fake employers, fake addresses and he got 8 OFWs. These workers were molested, abused and not paid,”
