P272k nga balor sang ‘shabu’ nakumpiskar sa Bacolod

BACOLOD CITY – Masobra P200,000 nga balor sang ginasuspetsuhan shabu ang nakumpiskar sa ginpatigayon nga buy-bust operation sa Purok Boulevard, Brgy. 13, siudad sang Bacolod takna las-5:47 sang hapon sang Miyerkules, Abril 19.

Ginkilala ang suspetsado sa kay Romar Espinosa, 31-anyos nga residente sang nasambit nga lugar.

Base sa report sang Bacolod City Police Station 1, nakumpiskar sa suspek ang 20 ka sachets sang ginasuspetsuhan shabu nga ginabulubanta nagabug-at sang 20 ka gramos kag nagabalor sang P272,000.

Yara na ang suspek sa kustodiya sang nasambit nga police station.

Nagapang-atubang ini sang mga kaso sa paglapas sa sections 5 kag 11 sang Republic Act 9165 ukon ang “Comprehensive Dangerous Drugs Act.”