P5 Million nga penalidad para sa mga ospital nga naga demanda sang “deposit” gin-propose

Ginduso ni Congressman Paulo Duterte ang hagna, batuk sa mga ospital nga naga “demand” sang deposit sa mga pasyente, sa ti-on sang emerhensya.

Nakasaad sa House Bill 3046, ang mas strikto nga penalidad bilang pag amyenda sa Anti Hospital Deposit Law.

Magluwas sa mas mataas nga penalidad, nakasaad man sa hagna ang pagtukod sang hotline, agud nga makapakig-angut sa gilayon ang publiko para sa ila mga reklamo batuk sa ospital.

Suno sa Representante sang Davao City, madamu sa gihapon sang mga ospital nga wala nagatuman sa laye, gani kinahanglan nga pasakaan ang penalidad sa lima ka milyon ka pesos gikan sa isa ka milyon ka pesos.