Ginapasa sa kamara ang P750 daily wage increase sa tanan nga mga empleyado sang pribado nga sektor sa bilog nga pungsod.
Ini ang sa idalom sang House Bill 7568 nga gin-file sang mga kongresista sang Makabayan bloc nga sanday House Deputy Minority Leader France Castro, House Assistant Minority Leader Arlene Brosas kag Kabataan party-list Rep. Raoul Manuel.
Nalakip sa hagna nga ginapasa ang mga empleyado nga naga-obra sa agricultural kag non-agricultural enterprises sang pribado nga sektor.
Suno pa kay Brosas, dapat pasulabihon sa nasambit nga wage increase ang mga empleyado nga nagaekspeyersya karon sang gap sa minimum wage kag family living wage sa mga rehiyon sa Pilipinas.
Dugang pa sini nga may yara sang mga pagtuon nga nagapakita nga nagsaka sa 17.5% ukon P13.44 trilyon sang 2021 ang kita sang mga kompanya halin sa P11.44 trilyon nga narekord sang 2020.*
