Pag-gabot sang buhok sa ilong posible nga pagasugdan sang impeksyon kag magadangat sa meningitis

Delikado ang kabuhi sang isa ka tawo kun ginagabot ang buhok sa ilong, suno kay Dr. Michael Vera Cruz, ear, nose and throat specialist.

Ang buhok sa ilong ang nagasala sang hangin nga ginahaklo sang mga tawo kag nagaserbe ini bilang proteksyon.

“Kung may dust particles, pollens, allergens, ma-filter out ito. It’s really created to do those functions para maprotektahan din ang loob ng ilong natin pati ‘yung baga natin,” dugang pa ni Dr. Vera Cruz.

Kun ginagabot sang isa ka tawo ang buhok sa ilong, pagasugdan ini sang impeksyon kag magadangat sa balati-an nga meningitis.

Pahayag pa ni Vera Cruz, pwede lamang ini utdon ang buhok sa ilong kag indi pag-gabuton.*