Ginhaylo ni Senator Leila de Lima ang Senado nga imbestigaran ang nagluntad nga paglinuthanganay sang mga katapo sang Quezon City Police kag mga ahente sang PDEA tinalikdan nga Pebrero 24.
Sa ginpasar sini nga Senate Resolution No. 688, luyag mahibaluan ni de Lima ang pagka-lehitimo sang operasyon sang duha ka puwersa sang gobyerno.
Dapat suno sa iya nga mangin maathag ang basehan sa pagkasar sang anti-drug operations para malikawan na ang mga kaangay nga hitabo nga nagresulta sang pagkapatay sang duha ka pulis, isa ka PDEA agent kag isa ka police asset.
“It is imperative to determine the legitimacy of the operations of law enforcement agencies that resulted in deaths of officers and civilians, as well as the legality of utilizing inmates in the operations of law enforcement agents and officers which poses a number of serious risks both to the public and the success of legitimate law enforcement operations,” pahayag sang senadora.
Nagalaum naman si de Lima nga pinaagi sang pag-imbestigar sang Senado sa natabo, makaangkon sang reporma sa law enforcement procedures and standard protocols agud nga malikawan ang ‘misencounters.’
