Tuesday, December 6, 2022

Pagbuhin sa Workload sang mga Manunudlo sa Pungsod, Ginaduso na sa Senado

- Advertisement -

METRO MANILA – Ginakumbinsi ni Senador Win Gatchalian ang bag-o nga administrasyon nga buhinan ang workload ukon trabaho sang mga manunudlo agud maka-pokus sila sa pagtudlo sa ila mga estudyante.

A teacher with a busy household manages to teach her class on an online set-up. Photo from Philstar/ Radyo Bandera Graphics.

Suno sa Senador, ginatagaan pa ang mga manunudlo sang iban pa nga trabaho kaangay sang nagkalain-lain nga administrative roles kag student support roles.

Nalakip sa administrative roles ang pagbulig sa pagbakuna, deworming, eleksyon kag iban pa nga nagaka-apekto sa kalidad sang pagtudlo sang mga manunudlo.

- Advertisement -

Sadtong 2019, ginsiling sang Philippine Institute for Development Studies (PIDS) nga nagakasampawan sang mga administrative work ang aktwal nga pagtudlo sang mga manunudlo sa pungsod.

Isa sa mga proposal nga ginsumiter ni Gatchalian ang pagpaguwa sang pondo para sa lima ka libo nga Administartive Officers (AO) sang mga pampubliko nga elementarya kag high school sa pungsod nga magamonitor sa mga trabaho nga administratibo.

Isa man sa permanente nga solusyon ang pagsiguro nga may bastante nga numero sang non-teaching personnel nga kaangay sa school structure kag staffing pattern, ini ang pagatun-an kag pagahimuon pa sang Department of Education – Bureau of Human Resource and Organizational Development (BHROD) kaupod ang Research Center for Teacher Quality (RCTQ).

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

- Advertisement -

Latest Articles