Ginpahayag ni Ramon Delos Reyes, head sang Management Information Technology & Computer Services (MITCS), ang process flow sa pagkuha sang permit sa Office of the Building Official (OBO) pinaagi sa online sa ginpatigayon nga press conference sang Lunes, Oktubre 16, 2023.
Suno kay De los Retes nga nagahimo sila sang sistema nga makabulig agud mapadasig ang pagproseso sang permit paagi sang online platform.
Ginpresentar sini ang anum ka steps humalin sa online registration kag application, verification, evaluation, assessment sang balayran kag generate order of payment, pagbayad kag pag pag-isyu sang permit.
Samtang, ginpahayag naman sang head sang OBO nga si Eng. Isidro Sun Jr. nga magalawig tubtob duha ka adlaw antes makuha ang building permit apang malawigan naman antes makuha ang occupancy permit bangud kinahanglan pa inspeksyunon ang area.
Sa bahin naman ni Bacolod City Mayor Albee Benitez nga isa ka tikang ang contactless transaction agud matapna ang mga fixers sa siudad.*
