Pilason ang duha ka magpamilya matapos magbun-anay sa Purok 4B, Barangay Baliwagan, banwa sang San Enrique, Negros Occidental sadtong Oktubre 15, 2023.
Suno kay Police Major Leo Estopa, hepe sang San Enrique Municipal Police Station, ginkilala ang mga imboldado sa kinagamo ang magpamilya nga sanday Eric Divinagracia y Redonda, Danilo Divinagracia y Barrientos kag Ramil Francisco y Balbino.
Dugang pa ni Estopa nga samtang nagakaon si Eric sa ila nga balay, ginkadtuan ini sang iya bilas nga si Ramil.
Bangud sa daan hiligut-anon, nagluntad ang komprontasyon kag lalisanay sa tunga sang duha.
Didto na gintambagan sang amay ni Eric nga si Danilo ang duha apang ginbuno ini ni Ramil sa nawala nga porsyon sang iya nga tiyan kag nagkalain-lain nga bahin sang iya nga lawas.
Sang nakita ini ni Eric, iya nga gindakop si Ramil kag gin-agaw ang kutsilyo kag ginbuno man nga nag-igo sa iya wala nga abdomen kag nagkalain-lain nga bahin sang iya nga lawas.
Si Danilo ang gindala sa Don Salvador Benedicto Memorial District Hospital sa La Carlota samtang si Ramil naman ang gindala sa Valladolid District Hospital.
Suno kay Estopa nga nadakpan sang mga otoridad si Eric samtang yara na sa estable nga kahimtangan ang duha nga nasamaran kag wala naman sang plano ang pamilya nga magpasaka pa sang kaso.*
