Ginpahibalo sang National Telecommunications Company okon NTC nga ipahamtang ang mga registration facilities agud makaparehistro ang mga residente sa mga remote areas nga wala sang access sa internet.
Nakasaad sa SIM Registration Law Implementing Rules and Regulations (IRR) nga kinahanglan magpakig-angut ang NTC kag Department of Information and Communications Technology (DICT) sa mga komunidad, agud madihon ang “registration centers” sa mga remote areas okon lugar nga malayo sa mga banwa kag siudad.
Suno kay Engineer Edgardo Cabarios sang NTC, magabulig man ang mga opisyal sang barangay sa lugar agud mapahamtang ang mga registration facilities kag diri na magaparehistro ang mga residente.
Nakasaad sa laye nga kinahanglan madihon ang mga registration areas sa mga remote communities sa sulod sang 60 diyas, gikan sa adlaw nga epektibo na ang SIM Registration Law.
Indi naman makagamit sang ila nga sim card ang mga indibidwal nga mapaslawan sa pagparehistro sang ila SIM card.*
