Nagpagwa sang warning ang pila ka mga European Countries kasubong sang Ireland, France kag Malta batuk sa pagkaon sang “Lucky Me!” nga instant pancit canton kag instant noodle original flavor.
Ini nga sikat nga noodle brand sa Pilipinas ang gin-recall sang Food Safety Authority sang Ireland bangud sang presensya sang pesticide nga makatuga sang seryoso nga halit sa ikaayong lawas.
Nakita ang Ethylene Oxide sa sa isa ka batch sang nasambit nga produkto nga ginhimo sa Thailand kag may “best before date” nga Hulyo 20, 2022.
Ang pesticide, nga kilala man sa tawag nga Oxirane, ang gina-usar bilang fumigant, ukon kemikal nga naga-produce sang fumes nga ginagamit agud mag-disinfect kag ma-purify sang mga lugar.
Ang Oxirane ang nagakontrol sang fungi kag bacteria growth sa dry food products, suno sa European Union. Apang ini ang indi utorisado nga pagagamiton sa mga pagkaon sa European Union.
“Although the consumption of the contaminated product does not pose an acute risk to health, there may be health issues if there is continued consumption of ethylene oxide over a long period of time,” Suno sa FSA.
Ang Environmental Health Department sang Malta ang nagpaandam man sa mga residente nga indi magkaon sang Lucky Me! Instant noodles Pancit Canton, nalakip na ang may flavor chili, beef, Kalamansi kag Chilimansi bangud sang presensya sang Ethylene oxide, nga gina-usar bilang pesticides.
September 2022 ang ila use-by date.
Ang Ireland ang nagpa-untat man sang distribution sang Pancit Canton sa ila pungsod.*
