Para swimmer nga nagdaug duha ka Gold sa #APGSolo2022, taga-Negros

Isa ka tumandok sang Victorias City, Negros Occidental ang para swimmer nga si Ariel Joseph Alegarbes nga nagdaug sang duha ka gold medals sa ginapatigayon nga 11th ASEAN Para Games sa Solo, Indonesia.

Nakuha sang 18-anyos nga si Ariel ang ikapito kag ikawalo nga gold medals para sa Pilipinas sa Men’s Swimming 100-meter Backstroke S14 Event kag Men’s 50m Butterfly S14.

Ginpasidunggan ni Mayor Javier Miguel Benitez si Ariel bilang bugal sang syudad sang Victorias.

Ang amay ni Ariel nga si Abner ang nagtudlo sa iya maglangoy sang 12-anyos pa lamang ini agud makabulig sa iya nga chronic asthma.

May dyslexia kag attention deficit hyperactivity disorder with learning disability si Ariel.

Congratulations kag salamat, Ariel!