Nakakuha sang una nga puntos ang team sang Barangay Ginebra sa Philippine Basketball Association Governor’s Cup Finals Game 1 best-of-seven.
Ginlutos sang Ginebra ang team sang TNT Tropang GIGA kahapon, Abril 9, 2023 sa Araneta Coliseum.
Masobra 11,000 ka mga basketball fans ang nagtambong sa nasambit nga liga.
Natapos ang hampang sa una nga quarter sa free throw nga ginpatigayon ni Scottie Thompson sang Ginebra sa scores nga 29-20.
Sa ikaduha tubtob ikatatlo nga quarter sang hampang, apisar nga nakapuntos sanday Mickey Williams kag Jayson Castro via driving layup, abanse gihapon ang Ginebra sa scores nga 74-62.
Apang sa ulihi nga quarter sang hampang, gintapos ni Stanley Pringle ang hampang via 3-point shot kag natapos ang hampang sa scores nga 102-90.
Sa nagtakop nga PBA Finals Game 1, ginpangunahan ni Justin Brownlee ang Ginebra nga may 31 points, 12 rebounds, 4 assists, 2 blocks.
Dugang pa naghatag man sang kontribusyon sa GInebra sanday Jamie Malonzo nga may 21 points, Christian Standhardinger nga may 16 points, Stanley Pringle nga may 11 points kag Scottie Thompson nga may 10 points.
Sa pihak nga team, gindala naman ni Rondae Hollis-Jefferson ang team sang TNT nga may 30 points, 20 rebounds kag 5 assists.
Matabo ang PBA Finals Game 2 sa Miyerkules, Abril 12.*
