Apisar sang mabudlay nga sitwasyon sang isa ka traysikad driver bangud yara ang anak sa ospital, nakuha niya nga ihatag sa kapulisan ang nakita nga wallet nga nabilin sa iya traysikad.
Ang wallet ang may unod sang kwarta kag cellphone.
Suno sa GMA Regional TV “One North Central Luzon”, madamo sang may napabilib ni Rolando Casipit Jr., 29-anyos sa ginpakita niya nga batasan.
Suno kay Casipit, magapauli na kuntani siya sang makita niya ang nabilin nga wallet sa iya traysikad.
Dugang pa ni Casipit, yara sa ospital ang iya anak bangud sa impeksyon sa dugo.
“Gipit na gipit ako wala akong ibang mapag-uutangan, wala akong malalapitan. [Pero] Di naman akin ‘yon, kailangan kong ibalik yon. Kahit kailangan ko rin, ayaw kong gumawa ng mali.” pahayag pa ni Casipit.
Nagapanawagan naman si Casipit sang hamili nga bulig sa publiko para sa iya anak nga yara sa ospital.*
