PEDIA WARD SANG CLMMRH PUNO NA; PAGALIMITAHAN ANG PAGBATON SANG PASYENTE

Yara na sa ‘full capacity’ ang hospital wards sa Department of Pediatrics sang Corazon Locsin Montelibano Memorial Regional Hospital (CLMMRH), suno sa public advisory nga ginpagwa sang ospital sini lamang nga adlaw sang Domingo, Marso 21.

Sa public advisory nga ginpapanaog ni Dr. Julius Drilon, medical center chief II, ginpahayag sini nga maga-implementar ang CLMMRH sang temporaryo nga pagbag-o sa nasambit nga departamento kag igapatuman ini gilayon.

Lakip sa mga pagbag-o amo ang paglimitar sang pagbaton sa mga pasyente sa Neonatal Intensive Care Unit (NICU) kag Pediatrics Ward.

Sandig sa advisory sang ospital, pagalimitahan ang mga nasambit nga wards sa ‘extreme emergency cases’ lamang.