Bilang preparasyon para sa pala-abuton nga Cambodia Southeast Asian Games, nagpadulong ang Philippine Beach Volleyball teams sa Brazil.
Magatinguha gid ang duha ka teams sa beach volleyball nga lapawan ang bronze finish nila sang nagligad nga tuig sa Vietnam.
Pagadal-on nanday Jovelyn Gonzaga, Sisi Rondina, Bernadette Pons kag Dij Rodriguez ang women’s team apang nalakip sa men’s team amo sanday Alnakran Abdilla, Jaron Requinton, Jude Garcia kag James Buytrago.
Magasugod ang training sang duha ka teams subong nga adlaw, Abril 13 tubtob 28.
Pagapangunahan naman ni Coach Joao Luciano Simao Barbosa ang team.
Matabo ang Cambodia SEA Games beach volleyball competition sa Mayo 11 sa Otres Beach, Preah Sihanouk Province.*