Nagkalabuka ang bintana sang Hilux pick up, matapos nga ginpaulanan sang bala sa probinsya sang Zamboanga del Norte.
Nagkalamatay man ang lima ka mga persona nga nagasakay sa nasambit nga salakyan.
Kalakip sa mga biktima amo ang barangay kapitan sa banwa sang Sirawai.
Nagluntad ang insidente sang tinalikdan nga huwebes, Enero 26, sa nasambit man nga banwa.
Ginkilala ang mga nagkalamatay nga sanday Allie Lomigues Manangca, barangay chairman, utod sini nga sanday Ani kag Alfahad, subong man ang isa pa gid ka himata nga si Anisa Jaji Manangca kag isa pa ka kaupod sang mga biktima nga si Shilben Musaddin Basa.
Nagluntad ang ambush sa highway nga sakop sang Barangay Piña.
Ginahibalo pa sang mga kapulisan kon sin o ang responsible sa kremin.
Wala man sang gintumod ang mga otoridad nga motibo sa pagpatay sa mga biktima.*
