Pila ka mga buluthuan karon sa Negros Occidental ang nagapatuman sang mandatory nga pagsuksok sang facemask sa mga estudante bangud maprotektahan ang ila nga ikaayong lawas.
Suno kay Julius Espinosa, Officer-in-charge sang Efiginio-Enrica Lizares Memorial School nga ila ginapasuksok sang facemask ang mga kabataan nga naga-ubo sa sulod sang classroom, apang ang malain ang pamatyag ang ila na ginapapauli agud indi na maglala ang pamatyag kag indi malatnan ang iban nga estudyante.
Dugang pa ni Espinosa nga kun maglain ang pamatyag sang estudyante, gilayon ini nga ginadala sa clinic ukon sa City Health para sa konsultasyon kag makakuha sang bulong para sa madasig nga pag-ayo.
Suno naman ni Ian Arnold Arnaiz, Public Information Officer sang DepEd Negros Occidental Division nga nagapatuman karon sang facemask policy ang Negros Occidental High School (NOHS) bangud nagdamo ang mga estudyante nga may flu-like nga masakit.
Dugang pa ni Ananoria nga ginrekomendar ini sang medical teams sang buluthuan agud ma-proteksyonan ang mga eatudyante batuk sa mga masakit nga makalaton.
